30 4 2012, 13:06

Rêberê grûpa nuh ya çavdêrên NY li Sûryayê ragihand, ku tenê gelê Sûryayê dikare şer li welêt rawestîne

Rêberê grûpa nuh ya çavdêrên NY li Sûryayê ragihand, ku tenê gelê Sûryayê dikare şer li welêt rawestîne

  Rêberê nuh yê grûpa çavdêrên NYî li Sûryayê ceneral Robert Mûd destbi karê xwe yê li Şamê kir.

 

Rêberê nuh yê grûpa çavdêrên NYî li Sûryayê ceneral Robert Mûd destbi karê xwe yê li Şamê kir. Mûd piştî gihiştina Şamê ragihand, ku hezar çavdêr jî wê nikaribin şer li welêt bisekinînin, eger welatiyên Sûryayê bixwe alîkariyê di vê erkê de ne kin. Serokê misyona NYî bangî hemû aliyên problêma Sûryayê kir, ku şer bisekinînin. Mûd destnîşankir, ku bidestxistina aştiyê li welêt divê encamê hewldanên hemû aliyên vê problêmê be. Tê pêşnêrîn, ku roja Duşemê 30 çavdêrên NYî destbi karê xwe li Sûryayê bikin. Tê plankirin, ku piştî mehekê jimara çavdêran heya 100 kesî zêde bibe û ji dûv re heya 300 mirovî hîn zêdetir bibe. Çavkanyek nûçeyan berya demekê ji ajansa `Interfaks` re ragihand, ku di nav grûpa pêşîn ya çavdêran de 4 çavdêrên rûsî hene. Lê bi şûn de nûnerîtiya Rûsyayê di misyonê de wê bê zêde kirin. Wezareta karê derve ya Rûsyayê bihêvîye, ku misyona çavdêrên NYî li Sûryayê wê alîkariyê di  sekinandina şer de li Sûryayê bike. Di heman demê de, derbarê bûyerên nuh ji Sûryayê tên ragihandin. Roja Duşemê hat ragihandin, ku kesên ne diyar avahiya Banka Navendî ya Sûryayê li Şamê  bombekirin. Li gor ragihandinên herêmê, di encamê vê bombekirnê de avahiya Banka Navendî  gelek ne hat zirar kirin. Her weha dewriya polîsan jî hat êrîş kirin û di encam de 4 polîs birîndarbûn.

  •  
    û parve bike