30 4 2012, 14:02

Wezîrê karê derve yê Sûdanê ragihand, ku şer bi Başûrê Sûdanê re wê neyê pêkanîn

Wezîrê karê derve yê Sûdanê ragihand, ku şer bi Başûrê Sûdanê re wê neyê pêkanîn

   Wezîrê karê derve yê Sûdanê Alî Kartî

  

Wezîrê karê derve yê Sûdanê Alî Kartî roja Duşemê ragihand, ku xilafatên di navbera Sûdan û Başûrê Sûdanê de heyhat bikin, ku şer di navbera herdu welatan de pêk bê. Wek ajansa `Interfaks` ragihand, ku wezîrê Sûdanê piştî hevdîtina xwe bi wezîrê karê derve yê Rûsyayê Sergey Lavrov re li Moskowê derbarê vê yekê ragihand. Wezîrê karê derve yê Rûsyayê Sergey Lavrov  ji aliyê xwe ve ragihand, ku Sûdan ji Moskowê re ragihand, ku ew amade ye gotebêjan bi Başûrê Sûdan re bike eger Başûrê Sûdan vê yekê bixwaze. Wezîrê Rûsyayê bibîranî, ku Moskow  dixwaze, ku herdu alî li gor rê û rêzanên mafê navnetewî û şopandina hemû daxwazên Civata Ewlekariya NYî (CE NY) tevgerê bikin. Wek Lavrov dibêje, biryara CE NYî ya derberê Sûdanê divê lihevkirî û objektîv be. Rewşa ser sînorê di navbera Sûdan û Başûrê Sûdanê de di çend heftiyên dawîn de pir gur bû. Artêşa Başûrê Sûdanê 10 Nîsanê êrîşî herêma petrolê Xelîgê, ku dikeve herêma Başûrê Kordofan de û beşek ji Sûdanê ye kir. Desthilata Sûdanê roja Yekşema çûyî rejîma rewşa ewarte li herêmên, ku bi Başûrê Sûdanê re sînordarin û di çend heftiyên dawîn de şer li wan birêvediçin pêk anî. Wek ajansa Sûna  ragihand, ku rejîma rewşa ewarte bi taybetî  li herêmên Başûrê Kordofanê, Nîla Sipî û Sennar hatiye pêkanîn. Di heman demê de Başûrê Sûfdan ragihand, ku ew bimebeste polîsên xwe ji herêma, ku li ser ne hatiye lihevkirin, Abey vekişîne.

  •  
    û parve bike